Վրաստանի նախագահ Գեորգի Մարգվելաշվիլիի ԱՄՆ կատարած այցը ավարտվել է վրացական առաջնորդի խնդրանքով. նա խնդրել է ամերիկյան Կոնգրեսին՝ ճանաչել երկիրը որպես «ԱՄՆ հատուկ գործընկեր և դաշնակից», ինչպես նաև «Վրաստանին աջակցող ակտ» ընդունել։ Իր կոչը նախագահը բացատրել է նրանով, որ իր երկրին անհրաժեշտ է ԱՄՆ–ի օգնությունը՝ «Նոր սառը պատերազմում» հաղթելու համար։ Նա բացատրել է ամերիկյան գործընկերներին, որ Վրաստանը ձգտում է դեպի ՆԱՏՕ, ԱՄՆ–ի մեջ տեսնում է իր գլխավոր գործընկերոջը և տառապում է «Ռուսաստանի ագրեսիվ քաղաքականությունից»։
«ԱՄՆ–Վրաստան։ Գործընկերություն» գիտաժողովի ժամանակ, որ տեղի էր ունենում մարտի 16-ին, նա կոչ է արել օրենսդիրներին հատուկ «վրացական ակտ» ընդունել։
Հիշեցնելով ամերիկյան և վրացական զինվորականների համատեղ գործողությունների մասին Իրաքում և Աֆանստանում, Գեորգի Մարգվելաշվիլին մանրամասն խոսել է «Ռուսաստանի ագրեսիվ քաղաքականության մասին»։
«Կոչ եմ անում ձեզ ևս մեկ անգամ հատուկ ամերիկյան առաջնորդություն ցուցաբերել և Վրաստանին աջակցող ակտ ընդունել՝ հանուն մեր երկրի անկախության»,– ամերիկյան կոնգրեսմեններին է դիմել վրացական պետության ղեկավարը։ Ամերիկյան կողմը այս առաջարկությանը դեռևս չի արձագանքել։
