Արագածոտնի մարզի Օհանավան համայնքի բնակիչներն այսօր՝ մարտի 6-ին, փակել են դեպի գյուղ տանող ճանապարհը: Նրանք պնդում են, որ Ռուսաստանը չի թողնում Լարսից հայկական մեքենաները ՌԴ մտնեն, արդյունքում չեն կարողանում իրենց ապրանքն արտահանել Ռուսաստան:
Գյուղացիների հավաստմամբ՝ 11 օր է՝ իրենց մեքենաները կանգնած են, թույլ չեն տալիս հատել սահմանը: «Ասում են՝ բանանի արկղով ինչի՞ եք բերել։ 6 ամիս է՝ բանանի արկղով է այդ խնձորը գնում, հիմա են հիշել այդ մասին»,- ասաց գյուղացիներից մեկը: