Աստանայում Ռուսաստանի, Թուրքիայի և Իրանի արտաքին գործերի նախարարների հանդիպումը կկայանա մարտի 16-ին: Այս մասին հայտնել է Ղազախստանի ԱԳ նախարարության մամուլի ծառայությունը:
«Սիրիայի խնդրի շուրջ Աստանայի գործընթացի երաշխավոր երկրներից ստացված տեղեկատվության համաձայն՝ Իրանի Իսլամական Հանրապետության, Ռուսաստանի Դաշնության և Թուրքիայի Հանրապետության արատաքին գործերի նախարարները մտադիր են Ղազախստանի մայրաքաղաքում հանդիպել 2018 թվականի մարտի 16-ին»,- ասված է հաղորդագրության մեջ:
Ինչպես նշել են գերատեսչությունում, բանակցությունների ընթացքում մասնակիցները ծրագրում են «վերլուծել Սիրիայի իրադրության կարգավորման ուղղությամբ փոխգործակցության առաջին տարվա ընթացքում ձեռքբերված արդյունքները, ինչպես նաև նախանշել հետագա համատեղ գործողությունները»:
Աստանայում նախարարական հանդիպումը ծրագրվում է անցկացնել առանց դիտորդների ու սիրիական կողմերի:
ՌԴ ԱԳՆ-ի հաղորդմամբ՝ հանդիպմանը հրավիրվելու է ՄԱԿ-ի գլխավոր քարտուղարի հատուկ դեսպանորդ Ստաֆան դե Միստուրան։