Մինչ 2019 թվականի վերջ Infarm-ն ավելի քան 1000 ուղղահայաց ֆերմա կբացի ԵՄ երկրների տարածքում։ Ընկերությունը դեռևս 50 կետ ունի Բեռլինում, սակայն մինչ 2018 թվականի դեկտեմբեր մինի-ֆերմաներ կհայտնվեն նաև Գերմանիայի այլ քաղաքներում, ինչպես նաև Փարիզում, Լոնդոնում և Կոպենհագենում։
Մոդուլային կառուցվածքի հաշվին ֆերմաները կարելի է տեղակայել ռեստորանների խոհանոցներում, ճաշարաններում, առևտրի սրահներում։ Արևի լույսին փոխարինում են լուսադիոդները, իսկ անհրաժեշտ նյութերը դրանք ստանում են սնուցիչ լուծույթից։
Infarm-ը կառավարում է ֆերմաները հեռավորության վրա։ Բերքի վիճակի մասին տվյալները ստացվում են ամպային համակարգում, իսկ ընկերության աշխատակիցները կարող են հեռավորությունից կարգավորել լուսավորության աստիճանն ու այլ ցուցանիշներ, ինչի արդյունքում բերքատվությունը բարձրանում է։
2 քառակուսի մետր մակերեսով մոդուլի վրա կարելի է ամսական 1200 բույս աճեցնել։
