Հանրային խորհրդի անդամ Արշակ Սադոյանի կարծիքով՝ ապագա նախագահը չի կարող լինել քաղաքականությամբ երբեք չզբաղված մեկը։ Ըստ Սադոյանի՝ դա կործանարար և վնասակար կարող է լինել մեր պետության համար։ «Հանցագործություն կլինի, եթե քաղաքական գործունեությամբ չզբաղված, հիմնականում բարեգործական գործունեություն ծավալած մեկը նախագահի պաշտոնը զբաղեցնի։ Ով ինչ ուզում է ասի՝ աշխարհում չկա մի երկիր, որտեղ նույնիսկ Անգլիայի թագուհու կարգավիճակն ունեցող նախագահը լինի մեկը, որը քաղաքականության հետ որևէ առնչություն չունի»,- «Առաջին լրատվական»-ի հետ զրույցում ասաց Սադոյանը։
Մեր զրուցակիցը նշում է, որ շատ հարգում է Ռալֆ Յիրիկյանին, բայց կարծում է, որ նա նախագահի պաշտոնի համար հարմար թեկնածու չէ. «Շատ ավելի խորքային է Արմեն Սարգսյանի հարցը՝ նա եղել է վարչապետ, բիզնեսմեն։ Առավել անգիր գիտի բոլոր գործընթացները Վազգեն Մանուկյանը։ Որոնումը պետք է լինի այս շրջանակում, ոչ թե բարեգործ։ Բերեք Շառլ Ազնավուրին նշանակեք նախագահ, որ ի՞նչ։ Հա, շատ հայտնի է, շատ ողջունելի, շատ խելոք ու ընդունելի մարդ, բայց ի՞նչ կարող է անել»։
Հարցազրույցն ամբողջությամբ՝ տեսանյութում։
