«2014-2017թթ. ընթացքում ֆինանսների նախարարությունը ընդամենը մեկ խաղատուն է տուգանել, երբ 18 տարին չլրացած քաղաքացին կատարել է խաղադրույք: Ակնհայտ է, որ խաղատների հանդեպ գործող սանկցիան չի ծառայում իր նպատակին»,- «Ելք» խմբակցության հեղինակած՝ Շահումով խաղերի և ինտերնետային խաղերի խաղատների մասին օրենքում փոփոխությունների մասին օրինագծի քննարկմանը նշեց ՀՀԿ խմբակցության պատգամավոր Սամվել Ֆարմանյանը:
«Վարչական տուգանքով այդ գործունեությունը ծավալող ընկերությանը պետք է ստիպել փոխել վարքագիծը»,- ասաց նա:
Ուստի, նրա խոսքով, 100 հազար դրամ տուգանքը պետք է փոխարինել 2 մլն տուգանքով, եթե խախտումը տեղի է ունենում առաջին անգամ. «Մեկ տարվա ընթացքում եթե այդ խախտումը կրկնվում է, պետք է կիրառվի 5 մլն դրամի չափով տուգանք, երրորդ անգամ՝ 10 մլն դրամի չափով, չորրորդ անգամ կրկնվելու դեպքում այդ ընկերությունը պետք է զրկվի լիցենզիայից»:
Մանրամասները՝ տեսանյութում:
