Թուրքիան հայտարարել է երկրի ազգային անվտանգության համար սպառնալիքի մասին, որը ստեղծում է ԱՄՆ-ի գլխավորած միջազգային կոալիցիայի կողմից թուրք-սիրիական սահմանի պահպանման համար Սիրիայի դեմոկրատական ուժերի ջոկատների ծրագրվող նախապատրաստումը։ Այս մասին ասվում է հանրապետության ԱԳՆ հաղորդագրության մեջ։
Գերատեսչության ներկայացուցիչները դատապարտել են Վաշինգտոնի որոշումը՝ անվանելով այն սխալ։
«ԱՄՆ-ի համագործակցությունը «Դեմոկրատական միություն» կուսակցության և «Ժողովրդական ինքնապաշտպանության ուժերի» ջոկատների հետ, որը հակասում է Վաշինգտոնի պարտավորություններին և նախկինում արված հայտարարություններին, սպառնում է մեր ազգային անվտանգությանն ու Սիրիայի տարածքային ամբողջականությանը։ Մենք նման նախաձեռնություն չենք ընդունի»,-ասվում է հայտարարության մեջ։
Բացի այդ, ԱԳՆ-ում հիշեցրել են ցանկացած տեսակի սպառնալիքի վերացման Թուրքիայի իրավունքի մասին։
Ավելի վաղ կոալիցիայի մամլո ծառայության ներկայացուցիչ Թոմաս Վիլը հայտնել էր, որ կոալիցիան անցել է Սիրիայում «սահմանի անվտանգության նոր ուժերի» ջոկատների անդամների ուսուցման։ Նրա խոսքով՝ ծրագրվում է ձևավորել 30 հազար հոգանոց խմբավորում։
