Փենսիլվանիայից 21-ամյա բոդիբիլդեր Քայլեր Բոգմանի ընտանիքը ցնցված է. առողջ, երիտասարդ տղան մահացել է մի քանի օր անց այն բանից, երբ նրա մոտ գրիպ էին ախտորոշել։ Բոգմանի հարազատները նախազգուշացնում են հիվանդության վտանգավորության մասին, հայտնում է New York Post-ը։
Բոդիբիլդերի մոր խոսքով՝ հիվանդությունից առաջ որդին շատ ակտիվ է եղել և հաճախ այցելել մարզասրահ։ Նա ծրագրել էր ուսումնական հաստատություն ընդունվել՝ անձնական մարզիչ դառնալու համար։
Այն, որ Քայլերը հիվանդացել էր, հայտնի էր դարձել, երբ նա տուն էր վերադարձել թեթևակի հազով, սակայն 48 ժամում նրա վիճակը զգալի վատացել էր։ Նա գանգատվել է կրծավանդակի ցավերից։
Երիտասարդին հրատապ կերպով տեղափոխել էին Փիթսբուրգի համալսարանի բժշկական կենտրոն, որտեղ նա ժամեր անց մահացել էր։ Մահվան պաշտոնական պատճառ է անվանվել գրիպից սեպտիկ շոկի պատճառով օրգանների աշխատանքի կանգը։