Ռուսաստանը պետք է հրաժարվի իրանական իշխանությունների աջակցությունից, հակառակ դեպքում ենթարկված է «վիթխարի ծախսեր» կրելու ռիսկին։ Նման նախազգուշացմամբ է հանդես եկել ազգային անվտանգության հարցերով Սպիտակ տան խորհրդական Հերբերտ Մաքմասթերը, փոխանցում է Newsweek պարբերականը։ Նա նաև ենթադրություն է արել, որ իր արտաքին քաղաքականությունում Կրեմլը ղեկավարվում է ոչ թե սեփական երկրի շահերով, այլ ԱՄՆ-ին և նրա դաշնակիցներին տհաճություն պատճառելու ցանկությամբ։
Պարբերականի փոխանցմամբ՝ ամերիկացի պաշտոնյան նաև կոչ է արել միջազգային հանրությանը համատեղ դիմակայելու Թեհրանի վարքին, որը «շատ տառապանքներ է բերել»։
Մաքմաստերն անվանել է Իրանն ու հյուսիսկորեական միջուկային ծրագիրը հարցեր, որոնցում Մոսկվայի և Վաշինգտոնի շահերը հատվում են։ Սակայն, նրա կարծիքով՝ վերջին շրջանում ռուսական իշխանություններն իրենց դրսևորում են այնպես, ասես ցանկանում են զայրացնել ԱՄՆ-ին և նրա եվրոպացի գործընկերներին։
«Մեզ անհրաժեշտ է դիմակայել Ռուսաստանի ապակայունացնող վարքին»,-վստահություն է արտահայտել ամերիկացի պաշտոնյան։
