Կոկտեյլը կարելի է համարել ամերիկյան հնարանք, սակայն նրա արմատները հասնում են մինչև 18-րդ դարի Լոնդոն: Ջերեդ Բրաունը բացահայտում է խմիչքի հետաքրքրաշարժ ծագումը:
Եթե հարցնեք ցանկացած ամերիկացու, ապա կասի, որ կոկտեյլը լիովին ամերիկյան գյուտ է: Սակայն ինչն է, սառույցից զատ, այդքան ամերիկյան բրիտանական ջինի և իտալական կամ ֆրանսիական վերմուտի խառնուրդի մեջ՝ ստեղծված իռլանդական կամ գերմանական ներգաղթողների կողմից… Այն ավելի շուտ ունի բրիտանական արմատներ:
Չնայած խմորումով ըմպելիքները դարեր շարունակ գերակշռում էին, 17-րդ դարում Լոնդոնը գրեթե մի գիշերում վերափոխվեց՝ թողնելով գարեջուր և խնձորօղի խմելը: Երբ Վիլհելմ III Օրանացի թագավորը ստանձնեց գահը, նա կանգնեց երկընտրանքի առջև: Տարիների լավ բերքը ժողովրդին թողել էր հացահատիկի ավելցուկ, որի գները իջնում էին: Որպեսզի այս մեծ նվերից օգուտ քաղեին ու նաև « հանուն ազգի առողջության», նա նվազեցնում է թորման հարկերը: Հաջորդ տարի բրիտանացի օղի թորողները արտադրեցին շուրջ 500.000 գալոն հացահատիկի չեզոք խմիչք:
Թունդ ալկոհոլի այս անսպասելի առատությունը հասավ մինչև դեղատներ՝ օգտագործվելով խոլերայի, տիֆի, աղիքային այլ ինֆեկցիաների դեմ:
Մինչև վերջերս համարվում էր, որ «կոկտեյլ» բառի ամենաառաջին տպագիր օգտագործումը եղել է 1806 թվականին Նյու Յորքի նահանգային թերթում: Հետո 2005 թ. հայտնաբերվեց նման հիշատակում 1803 թ. Vermont թերթում: 2010-ին հայտնաբերվեց, որ այդ բառն օգտագործվել է 1798 թ. մարտի 20-ի The Morning Post and Gazetteer վաղուց չտպագրվող լոնդոնյան թերթում: Թերթը տեղեկացնում էր, որ մարտի 16-ին Axe & Gate պանդոկի տերը, վիճակախաղում շահելով, վերադարձել էր իր հաստատություն և «ուրախությունից» ջնջել իր մշտական այցելուների խմիչքի պարտքերը, որոնց թվում նշվում է կոկտեյլը:
1869 թ. հրատարակվեց առաջին բրիտանական գիրքը, որի մեջ կային կոկտեյլների բաղադրատոմսեր: Գրքի անունն էր «Վիլյամ Թերինգթոնի զովացնող գավաթներն ու նրբաճաշակ խմիչքները»: Նրա առաջին բաղադրատոմսը ջինով կոկտեյլն էր:
Այժմ աշխարհի լավագույն կոկտեյլները կարելի է համտեսել Տոկիոյում, Բարսելոնայում, Նյու Յորքում, Հավանայում և Համբուրգում: