Թուրքիայի հարավային Գազիանտեպ նահանգի զորամասերից մեկի զինծառայողների շրջանում գրանցվել է զանգվածային սննդային թունավորում, հայտնում են թուրքական ԶԼՄ-ները։
Նախնական տվյալներով՝ հոսպիտալացվել է 70 զինծառայող։ Նրանց առողջական վիճակի մասին չի հաղորդվում։
Փաստի առթիվ հարուցվել է քրեական գործ, սկսվել է հետաքննություն։
Նշենք, որ ընթացիկ տարվա հունիսին թուրքական Մանիսա նահանգում կրկին սննդային թունավորման հետևանքով առողջական խնդիրներ էին առաջացել ավելի քան 70 զինծառայողների մոտ։