Ավստրալացի 30-ամյա Բազ Բրաունը պաշտում է սերֆինգը, արևն ու ծովը, սակայն նրան հոգնեցրել են լողափի բամբակե սրբիչները, այդ իսկ պատճառով նա որոշել է ստեղծել իրենը։ 3 տարի անց նրա գյուտը՝ «անջրանցիկ» սրբիչը, որին նույնիսկ ավազ չի դիպչում, վաճառվում է Ավստրալիայի, Չինաստանի և ԱՄՆ-ի 30 խոշոր խանութներում։
Ինչպես հայտնում է Daily Mail-ը, մի անգամ, երբ Բազը լողափին նստած է եղել սիրելիի հետ, նրանք դարձել են միջադեպի ականատես։ Հանգստացողների երկու խմբեր քիչ է մնացել ընդհարվեն այն պատճառով, որ սրբիչը հավաքելիս նրանցից մեկը թափահարել է այն ու ավազը լցրել մեկ այլ հանգստացողի գլխին։
Բացի այդ, Բազին արդեն հոգնեցրել էին մշտապես խոնավ, բորբոսահոտ բամբակե սրբիչները։ Sandusa սրբիչների մի կողմը մնացել է բամբակե, մյուսը դարձվել է նեյլոնե մակերեսով։
Անցած տարի Բազը վաճառել է 10 հազար սրբիչ և ստացել 1 մլն դոլար եկամուտ, այս տարի ակնկալվում է 2 մլն դոլարի եկամուտ։