Եվրահանձնաժողովը պատրաստվում է Լեհաստանի հանդեպ կիրառել ԵՄ-ի պայմանագրի 7-րդ հոդվածը, ինչի պատճառով Վարշավային վերջնական արդյունքում կարող են զրկել ԵՄ խորհրդում ձայնի իրավունքից։ Այս մասին հայտնում է Suddeutsche Zeitung-ը՝ հղում անելով աղբյուրներին։ Նրանց խոսքով՝ Եվրահանձնաժողովի դժգոհությունը կապված է Լեհաստանում ծրագրված դատական բարեփոխումների հետ։
Ինչպես նշում է պարբերականը՝ Եվրահանձնաժողովը դեռևս ոչ մի անգամ իր պատմության մեջ չի կիրառել 7-րդ հոդվածը, համաձայն որի՝ միության անդամներից մեկը կարող է մեղադրել մյուսին իրավական պետության սկզբունքների խախտման մեջ։ Suddeutsche Zeitung-ի զրուցակիցները հաստատում են, որ Եվրահանձնաժողովը կգործարկի հոդվածն արդեն հաջորդ շաբաթ, եթե Լեհաստանի վարչապետ Մատեուշ Մորավեցկին չգնա զիջումների և չընդունի Եվրահանձնաժողովի խորհուրդները։
Դատական համակարգի բարեփոխման մասին երկու օրինագծերն առաջացրել են ընդդիմության և Լեհաստանի արտասահմանյան գործընկերների վրդովմունքը, քանի որ փաստացի զրկել են երկրին դատական իշխանության անկախ ճյուղից։