Friday, 29 03 2024
00:58
Հայաստանի հավաքականն ընկերական խաղում զիջեց Չեխիային
00:54
Վրաստանի ֆուտբոլի ազգային թիմը Եվրոպայի առաջնության ուղեգիր նվաճեց
22:12
Հայաստանի ֆուտբոլի ազգային թիմը Երևանում զիջեց Կոսովոյին
14:53
2 ոսկե, 1 արծաթե, 1 բրոնզե մեդալներ. աշխարհի գավաթի արդյունքները
15:46
Ավելին կարող էի, կուղղեմ սխալներս. Եվրոպայի կրկնակի չեմպիոն Գոռ Սահակյան
15:44
Ուժերս հավաքեցի, կռիվ տվեցի ու առաջին տեղը գրավեցի. Ալեքսանդրա Գրիգորյան
15:42
Արեցի՝ ինչ կարող էի ու հաղթեցի. Եվրոպայի չեմպիոն Վարազդատ Լալայան
15:41
Չեմպիոնության ճանապարհը հեշտ չէր. Հակոբ Մկրտչյան
15:40
Մեդալի գույնը կապ չունի. կարողացա խոստումս պահել, բարձրացնել մեր դրոշը, Հռիփսիմե Խուրշուդյան
21:10
Զուռնա-դհոլով ու դափնիներով դիմավորեցին չեմպիոններին
16:11
Չեմպիոնության համար էի գնացել, հավատում էի, որ կհասնեմ. Արման Անդրեասյան
16:10
Նախ՝ ադրբեջանցի, հետո էլ՝ թուրք մրցակիցներին հաղթեց 10-0 հաշվով ու դարձավ Եվրոպայի քառակի չեմպիոն
Ինչպես գործարքի գնալ ռուսների հետ․ Մանրամասներ Սևիկյանի տրանսֆերից
300․000 եվրո` Ռուսաստանից գնալու համար․ Հայ ֆուտբոլիստի որոշման արժեքը․․․
Մխիթարյանի պատմական ցուցանիշը․ Հայ ֆուտբոլիստը` լավագույն հնգյակում
12:45
Հայաստանի ռեկորդն առանց աշխարհի չեմպիոնի
Լավագույն տղերքը վերադառնում են․ Ֆուտբոլը փրկելու առաջին քայլը․․․
Ռուսաստանի լավագույններն առանց ռուսների․ Ո՞վ կհաջորդի Զախարյանին
«Փյունիկի» պատասխանը ՀՖՖ-ին․ Արթուր Սողոմոնյանը կփոխի՞ որոշումը
Սպերցյանը՝ «Յուվենտուսի» դիտակետում․ Ե՞րբ կկայանա գործարքը
Տարվա գործարքը․ Նոր պայմաններ Հայաստանի լավագույն ֆուտբոլիստի համար
Հաղթել ենթախմբում․ Ինչ է սպասվում Հայաստանի հավաքականին 2024 թվականին
Հայաստան-Ալբանիա․ 2024 թ․ առաջին մեծ իրադարձությունը հայկական սպորտում
2023 թվականի Հայաստանի 10 ամենթանկ ֆուտբոլիստները
12:40
Պատական հաջողություն Երևանում․ 2023 թվականի ոսկե փայլատակումը հայկական սպորտում
12:40
+128 մեդալ․ Հայաստանի նոր ռեկորդը սպորտում
Ինչ է արել Պետրակովը Հայաստանի հավաքականի համար․ Թվեր և փաստեր
Ալեքսանդր Պետրակովը՝ Հայաստանի 2023 թ. լավագույն մարզիչ
Հենրիխ Մխիթարյանը՝ Հայաստանի 2023 թ. լավագույն ֆուտբոլիստ
ՀՖՖ-ի որոշումը Պետրակովի վերաբերյալ․ Գալիք տարվա մեր նպատակը․․․

Մոուրինյո-Մխիթարյան հանդիպման բանաձևը. Ինչու է բրիտանական մամուլը «ճամփու դնում» հայ կիսապաշտպանին

Երեկ բրիտանական մամուլում տեղեկություն տարածվեց, որ հանգստյան օրերին «Մանչեսթեր Յունայթեդի» կիսապաշտպան Հենրիխ Մխիթարյանը հանդիպել է պորտուգալացի մասնագետ Ժոզե Մոուրինյոյին:

TransferMarketWeb-ի տեղեկություններով՝ հայ ֆուտբոլիստը «Յունայթեդի» գլխավոր մարզչի հետ քննարկել է իր ապագայի հետ կապված խնդիրը: Ու թեև նշվում է, որ խոսակցության մանրամասները հայտնի չեն, այդուհանդերձ անգլիական լրատվամիջոցները շտապում են, այսպես ասած, «ճամփու դնել» Մխիթարյանին:

«Եթե Մոուրինյոն հանդիպումից հետո էլ շարունակում է չվստահել հայ կիսապաշտպանին, ապա կարելի է ենթադրել, որ ֆուտբոլիստն այս ձմռանը կլքի «Մանչեսթերը»»,- գրում են բրիտանական ԶԼՄ-ները:

Եթե Մոուրինյոյի և Մխիթարյանի հանդիպումը կայացել է հանգստյան օրերին, ապա ե՞րբ պետք է պորտուգալացի մարզիչը վստահեր կամ չվստահեր հայ կիսապաշտպանին: Վերջին հանդիպումը «Յունայթեդն» անցկացրել էր կիրակի՝ դեկտեմբերի 10-ին՝ մրցելով «Մանչեսթեր Սիթիի» հետ: Եթե հավատանք բրիտանացիների այն դիտարկմանը, որ կայացած հանդիպումից հետո էլ Մոուրինյոն շարունակում է չվստահել Մխիթարյանին, ապա կստանանք մոտավորապես այսպիսի պատկեր: Կարևորագույն դերբիից օր կամ ժամեր առաջ տեղի ունեցած հանդիպման ժամանակ Մոուրինյոն պետք է ասեր՝ Հենրիխ ջան, խոսեցինք և հասկացանք իրար, և «Մանչեսթեր Սիթիի» դեմ խաղում հնարավորություն կստանաս, կլինես հիմնական կազմո՞ւմ: Ամենևին ոչ, կարևորագույն այս խաղի մարտավարությունն ու հիմնական կազմը Մոուրինյոն որոշել էր ավելի շուտ, և Մխիթարյանի հետ զրույցից հետո նրան անմիջապես թիմում ընդգրկելն ուղղակի ծիծաղելի կլիներ:

Բրիտանական ԶԼՄ-ները նշում են նաև, որ Մխիթարյանի՝ «Յունայթեդից» հեռանալը կախված է «Արսենալի» կիսապաշտպան Մեսութ Օզիլից: Մասնավորապես, եթե «Մանչեսթեր Յունայթեդին» հաջողվի ձեռք բերել այս ֆուտբոլիստին, ապա Մոուրինյոն անպայման բաց կթողնի Մխիթարյանին: Եթե Մոուրինյոն սկսել է չվստահել Մխիթարյանին և այլևս չի տեսնում նրան թիմի մեկնարկային կազմում, ի՞նչ կապ ունի Օզիլի տեղափոխությունը:

Եթե կրկին հավատանք բրիտանական աղբյուրներին, կստացվի, որ եթե «Յունայթեդին» չհաջողվի ձեռք բերել Օզիլին, ապա Մոուրինյոն ստիպված կլինի նորից մեկնարկային կազմում ընդգրկել Մխիթարյանին՝ խաղը կառուցելով հայ ֆուտբոլիստի միջոցով:

Իրականում, եթե Մոուրինյոն հույսեր չի կապում Մխիթարյանի հետ, մեր ֆուտբոլիստը, անկախ Օզիլի տեղափոխությունից, կհեռանա «Յունայթեդից»:

Բրիտանական մամուլի ենթադրություններին անդրադարձել է նաև լեգենդար «Արարատ-73»-ի գլխավոր մարզիչ, Ռուսաստանի ֆուտբոլի միության փոխնախագահ Նիկիտա Սիմոնյանը: «Ակումբի ղեկավարությունը գիտի, թե հարցի լուծման համար որ տարբերակն է ավելի լավ թե՛ թիմի և թե՛ ֆուտբոլիստի համար: Շատ եմ հարգում Հենրիխին, սակայն կա ակումբ և ակումբի հետաքրքրություն, որը երբեմն կարող է չհամընկնել խաղացողների ցանկությունների հետ: Հիմա պետք է որոշում ընդունվի, որը հարմար կլինի բոլորի համար: Մխիթարյանը կգտնի իր ակումբը: Ես նրան հաջողություն եմ մաղթում: Նա փայլուն խաղացող է, ինչպես նրա հայրը, ով ժամանակին խաղում էր ինձ մոտ»,- ասել էր Սիմոնյանը:

Մինչև տրանսֆերային պատուհանը՝ դեռ մեկ ամիս կա, որը, կարծում ենք, որոշիչ կլինի Հենրիխ Մխիթարյանի համար: Եթե Մոուրինյո-Մխիթարյան հանդիպումը կառուցողական ընթացք է ունեցել, ապա կարծում ենք՝ հայ կիսապաշտպանը դեռևս հնարավորություն կստանա իր խոսքն ասելու:

Իրադարձությունների զարգացումները ստիպում են ենթադրել, որ Մխիթարյանի՝ «Յունայթեդից» հեռանալը և նրա փոխարեն Օզիլին ձեռք բերելը բրիտանացի որոշ լրագրողների և փորձագետների ցանկությունն է: Ինչ խոսք, հնարավոր է, որ Մոուրինյոն ցանկանում է ձեռք բերել Օզիլին, և այս ֆուտբոլիստի տեղափոխության վերաբերյալ բանակցություններ են ընթանում: Չի բացառվում նաև, որ Միլանի «Ինտերը» լուրջ մտադրություններ ունի՝ կապված Հենրիխ Մխիթարյանի հետ: Բայց հրապարակել, որ Մխիթարյանը հանդիպել է Մոուրինյոյի հետ, և հավանական համարել, որ հունվարին հայ ֆուտբոլիստը կլքի անգլիական թիմը, ոչ այլ ինչ է, քան դատարկաբանություն:

Ֆուտբոլի Հայաստանի ազգային հավաքականի մեկ այլ կիսապաշտպան՝ Արաս Օզբիլիսը, տևական ժամանակ նույնիսկ «Բեշիկթաշի» հիմնական թիմի հետ չէր մարզվում: Երեկ, սակայն, «Բեշիկթաշի» գլխավոր մարզիչ Շենոլ Գյունեշը մեր ֆուտբոլիստին շանս տվեց՝ ընդգրկելով թիմի մեկնարկային կազմում: Օզբիլիսը դարձավ գոլի հեղինակ՝ ապացուցելով, որ կարող է խաղալ բարձրակարգ ակումբի հիմնական թիմում:

Մինչև նոր տարի «Յունայթեդը» դեռևս 5 հանդիպում է անցկացնելու, և Մխիթարյանին «ճամփու դնելու» փոխարեն շատ ավելի ճիշտ կլինի հավատալ, որ մեր հավաքականի ավագը ևս կօգտագործի իր հնարավորությունը:

Բաժիններ
Ուղիղ
Լրահոս
Որոնում