«Հետագա գործընթացներ, ընդվզում կարող է լինել, քանի որ մեր առաջ դրված խնդիրներին այս պահի դրությամբ մենք չենք կարողացել հասնել»։ Այդ մասին «Առաջին լրատվական»-ի հետ զրույցում ասաց «Հանուն գիտության զարգացման» նախաձեռնության անդամ Դավիթ Պետրոսյանը՝ հավելելով, որ Կլոր սեղան քննարկումից հետո երկու հանդիպում են ունեցել՝ մեկը կրթության և գիտության նախարարի, մյուսը՝ պաշտպանության փոխնախարարի, իրենց 2-րդ առաջարկը, որը վերաբերում է 1․5 տարվա ծառայությանը, լուրջ հակազդեցություն է առաջացրել 2 նախարարությունների կողմից։ Դավիթ Պետրոսյանը չբացառեց, որ բանակցությունները կարող են դադարեցվել։
«Իսկ առաջին առաջարկը, որը վերաբերում է օրենքի 22․5 կետին, որով կառավարության որոշմամաբ պետք է տարկետումներ տրվեն, օրենքի սկզբնական տարբերակում նշված էր միայն սպորտի բնագավառում նշանակալի նվաճումներ ունեցող երիտասարդներին, բայց երբ օրենքը գնաց առաջին ընթերցումից երկրորդ ընթերցում, փոփոխություն է եղել՝ 5-րդ կետում ավելացել են նաև գիտության և արվեստի ոլորտները։ Այստեղ խնդիրը կայանում է նրանում, որ չափանիշները, հայտանիշները և նաև հանձնաժողովի կազմը, որը ընտրելու է երիտասարդներին, ինչպիսին է լինելու։ Հակառակ կողմն էլ ընդունում է, որ այդ չափանիշները բավականին բարդ է մշակել․ սրան գումարվում է այն, որ յուրաքանչյուր մասնագիտության և տարիքի համար օրենքի հատվածը պետք է գործի։ Այն պետք է գործի նաև դպրոցից՝ բակալավր-մագիստրատուրա- ասպիրանտուրա սովորող երիտասարդների և նաև հիմա սովորող երիտասարդների վրա։ ԿԳՆ-ից մեզ ասացին, որ չունեն այն չափորոշիչները, որոնցով պետք է 5-րդ կետը իրականացվի, մենք արեցինք այդ առաջարկները։ Մեր հիմնական պայմաններից մեկն այն է, որ այդ նախագիծը պետք է շուտ կազմվի՝ մինչև այս տարվա վերջ, իրենք առաջարկում են մինչև մարտ, մենք դրա հետ համաձայն չենք, կլինի իզուր հետաձգում։ Սա կարող է լավ հետևանքներ չունենա»,- շեշտեց նա։
Դավիթ Պետրոսյանը ընդգծեց, որ պատասխանի են սպասելու մինչև այս շաբաթվա վերջին աշխատանքային օրը, որից հետո, կապված պատասխանից, կորոշեն իրենց անելիքները։
Մանրամասները՝ տեսանյութում։