Իրանի արևմուտքը ցնցած երկրաշարժի հետևանքով տուժել է առնվազն 36 մարդ։ Այս մասին հայտնում է Tasnim գործակալությունը՝ հղում անելով Ճգնաժամային իրավիճակների նահանգային ծառայությանը։
4.3 մագնիտուդով երկրաշարժը տեղի է ունեցել այսօր, օջախը գտնվել է 10 կմ խորության վրա, Լորեստան նահանգում՝ Բորուջերդ քաղաքի մոտակայքում։ Նախնական տվյալներով՝ երկրաշարժի հետևանքով մի քանի բնակելի տներ մասամբ վնասվել են։
Նշվում է, որ մարդիկ տուժել են այն պահին, երբ փորձել են լքել իրենց տները։
