«Նույնիսկ քվեարկության օրը ես ենթադրում էի, որ «Հայկական վերածնունդ» կուսակցության անդամները չեն քվեարկել Քրիստ Մարուքյանի օգտին»,- «Առաջին լրատվական»-ի հետ զրույցում ասաց «Ծառուկյան» խմբակցության պատգամավոր Սերգեյ Բագրատյանը՝ գնահատելով Վանաձորում ստեղծված քաղաքական իրավիճակը:
Նրա խոսքով՝ «Լուսավոր Հայաստան», «Բարգավաճ Հայաստան» և «Հայկական վերածնունդ» կուսակցությունները Քրիստ Մարուքյանին պաշտպանող հուշագիր էին ստորագրել, և այդ ուժերի պայմանավորվածությունը չի կարող առ ոչինչ համարվել, եթե նորից նույն ուժերը չեն քննարկում հետագա քայլերը:
«Փաստորեն ՀՎԿ-ն սեպարատ բանակցությունների մեջ է եղել ՀՀԿ-ի հետ, և արդյունքում ունենք այն, ինչ ունենք»,- ասաց Սմբատ Բագրատյանը:
Մեր զրուցակցի կարծիքով՝ քանի որ 3 ուժերը միասին ունեին 19 ձայն, ուստի քվեարկելը նույնիսկ անիմաստ էր, և պետք է ճանաչվեին ընդդիմության կողմից առաջադրվող քաղաքապետի թեկնածուի լիազորությունները. «Բայց մանդատագողության հաջող գործընթացով հաջողեցին ժամանակավոր ինչ-որ էֆեկտ ստանալ, որը, իմ կարծիքով, հարիր չէ որևէ ժողովրդավարական երկրի»:
Այնուամենայնիվ, պարոն Բագրատյանը լավատես է և հույս ունի, որ քաղաքական մեծամասնությունը Վանաձորում նոր ընտրություններ կկազմակերպի:
Մանրամասները՝ տեսանյութում: