Այսօր լրագրողների հետ հանդիպման ժամանակ ԱԺ ՀՀԿ խմբակցության պատգամավոր Գագիկ Մելիքյանը նշեց, որ երկխոսությունն այն ձևաչոփով, որով որ առաջարկում է ՀԱԿ-ը, ընդունելի չէ։ «Այդ ձևաչափերը հիմնականում աշխատում են միջազգային բանակցային պրոցեսներում, չեմ կարծում, որ ներքին երկխոսության համար օպետք է պատվիրակություն կազմվի իշխանության և ընդդիմության մի հատվածիօ կողմից»,- ասաց Գ. Մինասյանը։
Նրա խոսքով՝ Սերժ Սարգսյանը դեռևս 3 տարի առաջ առաջարկել էր երկխոսություն բոլոր քաղաքական ուժերի հետ, որը չէր ընդունվել ՀԱԿ-ի կողմից։ «Ես կարծում եմ, շատ ավելի ընդունելի տարբերակ է այն, որը առաջարկվել է Սերժ Սարգսյանի կողմից և ընդունվել է բազմաթիվ քաղաքական ուժերի կողմից՝ երկխոսություն բոլորի հետ միասին։ Առանձին որևէ քաղաքական ուժի հետ կապված երկխոսությունը չեմ կարծում, թե ճիշտ կգնահատվի հանրության կողմից։
Դա տարբեր կարծիքների տեղիք կտա ոչ միայն առանձին քաղաքական ուժերի կողմից, այլև հանրության մոտ վստահության վարկանիշի անկում կտա թե՛ ընդդիմադիր քաղաքական ուժի համար, թե՛ իշխանական կոալիցիոն ուժերի համար։ Համոզված եմ, որ այդ ձևաչափը կընդունվի նաև ՀԱԿ առաջնորդների կողմից և այն խոսելաոճը, որը առաջարկվում է նրանց կողմից և անընդունելի է իշխանությունների կողմից, հատկապես կախված նաև արտահերթ ընտրությունների հետ, ժամանակի ընթացքում ընդունելի կդառնա նաև ՀԱԿ առաջնորդների համար։ Արտահերթ ընտրությունների համար ոչ միայն իրավական, այլև քաղաքական որևէ հիմք չկա»,- հայտարարեց Գ. Մելիքյանը։
Հարցին, թե ինչպես է ինքը պատկերացնում մի իրավիճակ, երբ ասենք Լևոն Տեր-Պետրոսյանը կամ ՀԱԿ-ից որևէ մեկը նստի կլոր սեղանի շուրջ այլ ընդդիմադիր համարվող կուսակցությունների ներկայացուցիչների հետ, ՀՀԿ-ական պատգամավորը պատասխանեց, թե չի կարծում, որ միայն ՀԱԿ-ն է Հայաստանում ընդդիմություն։ Որպես այլ ընդդիմադիր ուժերի օրինակ նա նշեց ՀՅԴ-ն և «Ժառանգությունը»։