ԿԳ նախարար Լևոն Մկրտչյանն ասաց, որ 600 մլն դրամի կրճատումը չի անդրադառնում կրթության բովանդակության և որակի վրա: Նախարարը նշեց, որ գումարների կրճատում տեղի կունենա տեխնիկական ոլորտում։
«Հանրակրթության ոլորտում, օրինակ, ունենք 4 պահակ, եթե մենք կրճատենք մեկ ու կես հաստիք, կստանանք երկու միլիարդի չափով գումար», – ասաց Մկրտչյանը։
Նախարարը նաև նշեց, որ դպրոցում ցերեկային պահակի կարիք չկա ու այդ հաստիքի կրճատումը ևս ավելորդ միջոցների խնայման կբերի՝ նկատելով, որ մամուլում նշված թվերը, թե 5000 հաստիքի կրճատում է եղել, չի համապատասխանում իրականությանը։
