Ռուսաստանի Լիբերալ-դեմոկրատական կուսակցության նախագահ Վլադիմիր Ժիրինովսկին առաջարկել է ավելի քիչ բանտարկել գործարար անձանց՝ ազատազրկումը փոխարինելով տնային կալանքով կամ տուգանքով։
Հաղորդում է «Մոսկվա» լրատվական գործակալությունը։ «Անհրաժեշտ է քիչ ազատազրկել։ Մեզ մոտ շատ գործարար անձինք նստում են բանտում։ Թող լինի տնային կալանք, տուգանք, իսկ բանտում պետք է լինեն մարդասպանները, խարդախները, խոշոր գողերը, թմրավաճառները։
Ահա դրանք են այդ չորս կատեգորիաները, իսկ գործարարները բանտ նստելու փոխարեն թող աշխատեն։ Նման մարդկանց վրա պետք է ազդել այլ կերպ, քանի որ նրանք հիմնականում չունեն մեղավորություն», – հայտարարել է Ժիրինովսկին։
Կուսակցապետը սակայն չի մանրամասնել, թե ում նկատի ունի գործարար մարդիկ ասելով։