Թուրքիայի նախագահ Ռեջեփ Էրդողանը վստահեցրել է, որ Անկարան որևէ խնդիր չունի Ռուսաստանից S-400 զենիթահրթիռային համալիրների գնման հարցում։
Էրդողանը Haber Türk հեռուստաալիքի եթերում հայտարարել է, որ առաջին փուլում նախատեսված չէ այդ համակարգերի համատեղ արտադրություն և հույս է հայտնել, որ այն կմեկնարկի երկրորդ փուլում։
Թուրքիայի նախագահը վստահեցրել է, որ մտադիր չէ հետ կանգնել այդ գործարքից՝ հավելելով, որ Ռուսաստանի նախագահ Վլադիմիր Պուտինի հետ քննարկել է նաև S-500 համակարգերի ձեռք բերման հարցը։
Էրդողանն այդպիսով հերքել է Թուրքիայի արտգործնախարար Մևլյութ Չավուշօղլուի խոսքերն այն մասին, որ Թուրքիան կարող է հրաժարվել S-400-ների գնման գործարքից, եթե ռուսական կողմը չհամաձայնվի դրանց համատեղ արտադրությանը։
