Վրաստանի կրթության և գիտության նախարարությունը գործունեության լիցենզիայից զրկել է 1993 թվականից Թբիլիսում գործող Սուլեյման Դեմիրելի անվան քոլեջը։ Համաձայն պարզաբանման՝ ստուգումների ժամանակ այնտեղ մի շարք խախտումներ են հայտնաբերվել։
Դրանից կարճ ժամանակ առաջ Բաթումիում համանման պատճառով փակվել էր Ռեֆայդին Շահինի անվան դպրոցը։ Այս մասին գրում է «Նեզավիսիմայա գազետան»՝ նշելով, որ վրացական իշխանությունների գործողությունները կազմում եմ Թուրքիայում և արտերկրում ընդդիմադիր Ֆեթուլահ Գյուլենի հետ կապված կրթական հաստատությունների վերացման Անկարայի ծրագրի մաս։
Վրացական իշխանությունները հերքում են Անկարայի կողմից ճնշման մասին մեղադրանքները։
Այդ երկու դպրոցների փակումից հետո Վրաստնում մնացել է ևս 4-5 թուրքական դպրոց (Քութայիսիում, Ռուսթավիում և Մարնեուլիում)։ Տեղացիները չեն բացառում, որ դրանք կարող են կիսել վերոնշյալ դպրոցների ճակատագիրը։
