Աշխատելու նպատակով Ադրբեջան ուղևորված ուկրաինացին ստրկության մեջ է հայտնվել և այդպես անցկացրել 17 տարի։ Երբ ոստիկանությունն ազատել է նրան, տղամարդը չի կարողացել խոսել և իր վիճակի չի եղել պատշաճ կերպով ընկալել իրականությունը։ Այս մասին իր ֆեյսբուքյան էջում գրել է Ուկրաինայի փոխոստիկանապետ Վյաչեսլավ Աբրոսկինը։
«2016 թվականի ապրիլին Ադրբեջանում ոստիկանական հատուկ գործողության ընթացքում ի հայտ է բերվել Ուկրաինայի քաղաքացուն ազատությունից ապօրինաբար զրկելու փաստ։ Նա ծնվել է 1952 թվականին, հանդիսանում է Դնեպրոպետրովշինայի բնակիչ։ Սկսած 1991 թվականից նա պարբերաբար գնացել է այդ երկիր սեզոնային աշխատանքի։ Մոտավորապես 1991 թվականին նա հայտնվել է գործատուի մոտ, ով, գործի դնելով ֆիզիկական բռնություն, ստիպել է նրան ստրուկի աշխատանք կատարել։ 17 տարի տղամարդն անցկացրել է ստրկության մեջ։ Այդ ընթացքում այդ թշվառին բազմիցս վերավաճառել են՝ տնային տնտեսությունում որպես աշխատող օգտագործելու համար»,-գրել է փոխոստիկանապետը։
Տղամարդուն, ում պահել են թռչնաֆաբրիկայում, ազատ են արձակել 2016 թվականի ապրիլին՝ ոստիկանական հատուկ գործողության ընթացքում։ Նա եղել է շատ ծանր վիճակոմ։ Վերականգնողական կուրս անցնելուց հետո նա իրենց լավ է զգում։
Ուկրաինայից 13 տարի բացակայելուց հետո՝ 2012 թվականին դատարանի որոշմամբ նա ճանաչվել է անհետ կորած և հանվել գրացման հաշվառումից։
2017 թվականին նրա՝ Ուկրաինայի քաղաքացու անձնագիրը վերականգնվել է։ Գործը քննվում է, պետական մեղադրողը հանցագործների համար պահանջում է 9-10 տարվա ազատազրկում։