Համբուրգում G20-ի գագաթնաժողովի շրջանակում Ռուսաստանի ու ԱՄՆ-ի նախագահներ Վլադիմիր Պուտինի ու Դոնալդ Թրամփի բանակցություններն ավարտվել են, հայտնել է TASS-ը՝ վկայակոչելով պատվիրակություններից մեկում իր աղբյուրը։
Զրույցը շարունակվել է 2 ժամ 15 րոպե։ Դա նախագահների առաջին անձնական հանդիպումն էր։ Մինչ այդ առաջնորդները միայն հեռախոսով են շփվել։
Սկսելով բանակցությունները՝ Պուտինն ու Թրամփը կողմ են արտահայտվել երկխոսությունը զարգացնելուն։ Առաջնորդների զրույցն անցել է առանց մամուլի ներկայության։ Հանդիպմանը մասնակցել են միայն Ռուսաստանի ու ԱՄՆ-ի ԱԳ նախարարները։ Երկու առաջնորդների զրույցն անցել է Կոնգրես կենտրոնում։ Հանդիպումը սկսվել է ծրագրվածից մի փոքր ուշ։ Դրան ռուսական կողմից մասնակցել են ԱԳ նախարար Սերգեյ Լավրովը, ամերիկյան կողմից՝ պետքարտուղար Ռեքս Թիլերսոնը։ Լրագրողներին միայն առաջին երկու րոպեներին են թույլատրել ներկա գտնվել հանդիպմանը։