Բրիտանական Rolls Royce մեքենաշինական ապրանքանիշը ցուցադրել է անցած տարվա մարտին ներկայացված Dawn մոդելի կատարելագործված տարբերակը՝ Rolls-Royce Dawn Black Badge-ը: Այս մասին հայտնում է Luxury Launches-ը:
Նշվում է, որ նորույթը ստեղծվել է երիտասարդ գնորդների ուշադրությունը լյուքս դասի ավտոբրենդի վրա հրավիրելու նպատակով:
Ի տարբերություն օրիգինալ տարբերակի՝ Black Badge-ն ունի 30 ձիաուժով ավելի հզոր V12 երկտուրբո շարժիչ 6.6 լ աշխատանքային ծավալով: Մեքենան 100 կմ/ժ արագություն է զարգացնում 4.9 վայրկյանում, առավելագույն արագությունը 250 կմ/ժ է:
Black Badge-ը Rolls Royce-ի երբևէ արտադրած ամենամուգ սև մեքենան է:
Նորույթի գինը դեռևս չի հայտարարվել, սակայն սպասվում է, որ այն մոտ 400.000 դոլար կարժենա: