Ֆրանսիայի իրավապահ մարմինները գործ են հարուցել երկրի նախագահի թեկնածու Էմանուել Մակրոնի շտաբի վրա ցանցահենային հարձակումների փաստով: Այս մասին հայտնում է Agence France-Presse-ը՝ հղում անելով իրավիճակին ծանոթ աղբյուրին:
Հաղորդվում է, որ գործը սկսվել է «տվյալների մշակման համակարգին անօրինական հասանելիության և նամակագրության գաղտնիության խախտման» հետ կապված:
Ուրբաթ WikiLeaks պորտալը հրապարակել էր Մակրոնի նախընտրական շտաբի մոտ 9 Գբ ֆայլեր: Ավելի ուշ Մակրոնի թիմում հայտարարել էին ցանցահենային հարձակման մասին՝ նշելով, որ իրական փաստաթղթերի հետ համացանցում կեղծ նյութեր էին հրապարակվել:
Ֆրանսիայի նախագահի ընտրություններին հետևող ազգային հանձնաժողովը ԶԼՄ-ներին խորհուրդ չի տվել այդ նյութերն օգտագործել հրապարակումներում:
