Samsung Galaxy S8 սմարթֆոնի միանգամից մի քանի օգտատերեր բախվել են նույն խնդրին: Նրանց խոսքով՝ սարքն անընդհատ վերբեռնվում է, հաղորդում է Digital Trends-ը:
Ապրանքանիշի տեխնիկական աջակցության ֆորումների հաղորդագրություններից դատելով՝ նման վերբեռնումներ հաճախակի են տեղի ունենում: Օգտատերերից մեկը գանգատվել է, որ վերջին 10 ժամվա ընթացքում հեռախոսը 7 անգամ վերբեռնվել է: Մեկ այլ օգտատերի խոսքով՝ վերջին մեկ շաբաթում սարքը վերբեռնվել է ավելի քան 10 անգամ:
Տեղեկատվության համաձայն՝ որոշ օգտատերեր փոխանակել են իրենց սմարթֆոնները նոր Samsung Galaxy S8-ով, բայց բախվել են նույն խնդրին: