Վրաստանի խորհրդարանի խոսնակ Իրակլի Կոբախիձեն, որը ներկայացնում է «Վրացական երազանք» իշխող կուսակցությունը, հերթական անգամ մեղադրել է նախագահին, ընդդիմադիր կուսակցություններին և հասարակական կազմակերպությունների ներկայացուցիչներին իր կողմից ղեկավարած սահմանադրական հանձնաժողովի դեմ «նպատակային արշավ» տանելու համար, գրում է newsgeorgia.ru կայքը:
Նախագահը, որը դեմ է պետության ղեկավարի ընտրությունների չեղարկելու իշխող կուսակցության նախաձեռնությանը, իրականացնում է սահմանադրական փոփոխությունների նախագծի քննարկման սեփական հասարակական արշավը և պարբերաբար իր անհամաձայնությունն է հայտնում պետական հանձնաժողովի նախագծի դեմ:
Կոբախիձեն իր հերթին կարծում է, որ Գեորգի Մարգվելաշվիլին իր արշավի շրջանակում «սխալ տեղեկություններ է տրամադրում բնակչությանը» և չի համապատասխանում նախագահի դերին և գործառույթին:
Խորհրդարանի խոսնակը կոչ է արել Վրաստանի նախագահին «համագործակցել խորհրդարանի և սահմանադրական հանձնաժողովի հետ, խաղալ կառուցողական դեր, ինչն ըստ Սահմանադրության նրա գլխավոր գործառույթներից մեկն է»:
Վրաստանի նախագահի աշխատակազմը խիստ քննադատության է ենթարկել խոսնակի հայտարարությունը՝ հայտարարելով, որ հրաժարվում են մեկնաբանել խորհրդարանի նախագահի մեղադրանքները:
