Մտավոր սեփականության եվրոպական գործակալությունն անթույլատրելի է ճանաչել Pear Technologies-ի տարբերանշանում տանձի պատկերի օգտագործումը։ Ընկերության «մրգային» տարբերանշանին դեմ են հանդես եկել Apple ընկերության փաստաբանները՝ հայտնում է The Register պարբերականը։
Pear Technologies-ը մասնագիտացած է քարտեզագրական ծառայությունների համար ծրագրային լուծումներ ստեղծելու վրա։ Ընկերությունն իր տարբերանշանի գրանցման հայտ էր ներկայացրել 2014 թվականին։ Apple-ին դա դուր չի եկել, և էլեկտրոնիկայի ամերիկյան արտադրողն անմիջապես գանգատվել է Pear Technologies-ի գործողություններից՝ հաստատելով, որ ապրանքանշանը շատ նման է իր՝ կծած խնձորով տարբերանշանին։
