6-15 տարեկան ավելի քան 25 մլն երեխաներ, ովքեր բնակվում են 22 երկրերում, չեն հաճախում դպրոց զինված հակամարտությունների պատճառով։ Նման տվյալներ է հրապարակել ՄԱԿ-ի Մանկական հիմնադրամը (ՅՈւՆԻՍԵՖ)՝ փոխանցում է TASS գործակալությունը։
25 մլն երեխաները կազմում են վերոնշյալ տարիքային խմբի 22%-ը։ Տարրական դասարաններում պարապմունքների հաճախելիության վատագույն ցուցանիշը գրանցվել է Հարավային Սուդանում, որտեղ դպրոցներից դուրս է մնում երեխաների 72%-ը, իրավիճակը փոքր-ինչ լավ է Չադում (50%) և Աֆղանստանում (46%)։ Այդ երեք երկրներում գրանցվել է դպրոց չհաճախող աղջիկների ամենաբարձր ցուցանիշը՝ համապատասխանաբար 76%, 55% և 53%։ Միջին դպրոցում հաճախելիության ամենացածր ցուցանիշը գրանցվել է Նիգերում (32%), Հարավային Սուդանում (40%) և Կենտրոնաաֆրիկյան հանրապետությունում (55%)։
«Առանց կրթության երեխաները չեն կարող բացահայտել իրենց ներուժն ու ներդրում անել իրենց ընտանիքների, համայնքի և երկրի կայուն ապագայում»,-ասել է ՅՈւՆԻՍԵՖ-ի կրթության հարցերով բաժանմունքի ղեկավար Ջոզեֆին Բորնը։
Մանկական հիմնադրամի տվյալներով՝ 2010 թվականից կրթության վրա ծախսվել է մարդասիրական գործողությունների համար հատկացված գումարների մոտ 2 տոկոսը։