Նիդեռլանդների Ամստերդամ, Ալմելո եւ Ասեն քաղաքներում Հայոց ցեղասպանության 102-րդ տարելիցի ոգեկոչման միջոցառումներ կանցկացվեն: Ապրիլի 22-ին Համագործակցող հոլանդահայ կազմակերպությունները կանցկացնեն հանրահավաք-ցույց Ամստերդամի Մյուզեյումպլայն հրապարակում։ Ապրիլի 23-ին Ալմելո քաղաքում կանցկացվի դասախոսություն, ջահերով երթ ու մոմավառություն: Ապրիլի 24-ին էլ Ասեն քաղաքում հոգեհանգստյան արարողությունից հետո ծաղկեպսակներ կդրվեն Մեծ Եղեռնի հուշարձանին, իսկ գերեզմանատան սրահում` ողջույնի խոսքով հանդես կգան ՀՀ դեսպան տիկին Ձյունիկ Աղաջանյանը, Նիդերլանդների խորհրդարանի պատգամավորները, կլինեն գեղարվեստան ելույթներ։
Հոլանդահայ կազմակերպությունները Հայոց ցեղասպանության հարցի հետ կապված պահանջագիր են ներկայացրել Նիդերլանդների խորհրդարան, որում կարեւորվել են Նիդերլանդների վերջերս կայացած խորհրդարանական ընտրությունների արդյունքում ձևավորվող նոր կառավարության կողմից Հայոց ցեղասպանության լիարժեք ճանաչման անհրաժեշտությունը։ Նիդերլանդների խորհրդարանի արտաքին հարաբերությունների մշտական հանձնաժողովի նախագահ Պիտեր Օմտզիգտի հետ հանդիպմանը ներկա են եղել մեծ թվով պատգամավորներ (16 պատգամավոր), ովքեր ներկայացնում են խորհրդարանի գրեթե բոլոր խմ բակցությունները, ներկա էին հանրագրի հանձնման ժամանակ:
Հայկական կազմակերպությունների պատվիրակները ներկայացրել են հանրագրի տարբեր կետեր, շեշտելով Հոլանդիայի կառավարության կողմից օգտագործվող «Հայոց ցեղասպանության հարց» արտահայտության վիրավորական բնույթը, հոլանդահայության նկատմամբ Հայոց ցեղասպանության համատեքստում կառավարության անարդար վերաբերմունքը, հայերի նկատմամբ թուրքական կազմակերպությունների խտրականության դրսևորումը, հոլանդական քաղաքական և հասարակական կյանքում Անկարայի թաքուն միջամտության դեմ պայքարի անհրաժե շտությունը և բնականաբար Թուրքիայի ներկա իրավիճակը: Պատվիրակությունը պատգամավորներին նաև տեղեկացրել է, որ վերջերս մի հոլանդացի ուսանող համացանցում տեղադրել է հանրագիր պահանջելով Նիդերլանդների կառավարությունից աներկբա ճանաչել Հայոց ցեղասպանությունը։