Սյունիքի մարզում ապրիլի 14-ին, ավտովթար է տեղի ունեցել. ժամը 16։20-ի սահմաններում Mercedes մակնիշի 25 DD 111 համարանիշի ավտոմեքենան (վարորդ 47-ամյա Վրեժ Բ.) Երևան-Մեղրի ավտոճանապարհի 189-րդ կմ հավածում բախվել է «ՈՒԱԶ 3303» մակնիշի 26 ՕԼ 339 համարանիշի (վարորդ 52-ամյա Մանվել Ս.) ավտոմեքենային։
Shamshyan.com-ի փոխանցմամբ, բախումից հետո Վրեժ Բ.-ն կորցրել է ավտոմեքենայի կառավարումը և կողաշրջվել, ինչի հետևանքով վարորդը և նրա ուղևորներ 27-ամյա Ռիմա Գ.-ն, 64-ամյա Ֆլորա Ս.-ն ու 61-ամյա Արմինե Գ.-ն մարմնական վնասվածքներով տեղափոխվել են Սիսիանի բժշկական կենտրոն։
Աղբյուրի տեղեկություններով՝ Վրեժ Բ.-ն աշխատում է Դավիթ Բեկ գյուղի դպրոցում՝ որպես ինֆորմատիկայի ուսուցիչ, վիրավորներից Ռիմա Գ.-ն աշխատում է «Կապանի հոգեբանամանկավարժական կենտրոն» ՊՈԱԿ-ում՝ որպես սոցիալական մանկավարժ, Ֆլորա Ս.-ն աշխատում է Զանգեզուրի պղնձամոլիբդենային կոմբինատում՝ որպես ինժեներ, իսկ Արմինե Գ.-ն՝ Սյունիքի բնապահպանության տեսչությունում։
