Լուրեր
Տնօրենները ևս մեկ անգամ ապացուցեցին իրենց խամաճիկությունը. նրանց ուղղորդում է ՀՀԿ-ն
  • 14:00
  • 2017-04-15
  • Դիտումներ՝ *

«Սա ուղղորդված խմբային գործողություն է, որը ակնհայտորեն մեկ կենտրոնից է հրահրված, և նրանք ևս մեկ անգամ ապացուցում են իրենց խամաճիկությունը»,- «Առաջին լրատվական»- ի հետ զրույցում ասաց հրապարակախոս, իրավապաշտպան Զարուհի Հովհաննիսյանը՝ անդրադառալով դիտարկմանը, որ 114 դպրոցների և մանկապարտեզների տնօրենների գործը փոխանակ դառնար իրավապահ մարմինների լուրջ քննության առարկա, տեսնում ենք 30 տնօրենների հայցերն ընդդեմ «Իրազեկ քաղաքացիների միավորում» ՀԿ ծրագրերի համակարգող Դանիել Իոաննիսյանի:

Զ. Հովհաննիսյանի խոսքով՝ ՀՀԿ-ն սպասեց մինչև նախընտրական փուլն ավարտվեց, քվերակությունն ավարտվեց, դիտարկեցին՝ տեսնեն հետընտրական զարգացումներ կլինեն, թե ոչ, և երբ որ խաղաղ, հանգիստ վերարտադրվեցին, սկսեցին տնօրենների հետ կապված  ուղղորդված գործողություններ:

«Կոտրվում է այն միֆը, որ մենք երեխայասեր ազգ ենք: Տեսնում ենք, որ չկա գիտակցումը, որ մենք գործում ենք՝ ելնելով երեխայի շահից, մեր կրթական հաստատությունները կրթական գործընթացով չեն զբաղված:

Այս քայլով ստիպում են, որպեսզի հանրությունը ակտիվ արձագանքի այս խնդրին: Դատավարության ընթացքում հանրությունը պետք է ակտիվանա և թիվ մեկ խնդիր դարձնի կրթության համակարգի ազատականացումը իշխող կուսակցության ճիրաններից»,- նշեց հրապարակախոսը:

Մանրամասները՝ տեսանյութում:

  • Դիտումներ՝ *