Ավստրիայի ԱԳ նախարար և ԵԱՀԿ-ի գործող նախագահ Սեբաստիան Կուրցը Սիրիայում կառավարական զորքերի բազային հասցված հրթիռային հարվածը որակել Է նախազգուշական միջոց հնարավոր քիմիական գրոհների դեմ, սակայն, ըստ նրա, նման գործողությունների վերաբերյալ որոշումների ընդունումը վերաբերում Է ՄԱԿ-ի ԱԽ-ի իրավասությանը: Այդ մասին ապրիլի 7-ին նա հայտարարել Է APA գործակալությանը:
«Մենք հասկանում ենք, որ օդակայանի վրա ռազմական ինտերվենցիան անցկացվել Է որպես նախազգուշական միջոց ապագայում թունավոր գազերի կիրառմամբ գրոհները կանխելու համար»,-ասել Է նախարարը:
Նա հավելել Է, որ «թեև մենք հասկանում ենք ԱՄՆ-ի մոտիվացիան, նման միջոցների վերաբերյալ որոշումների ընդունումը վերաբերում Է ՄԱԿ-ի Անվտանգության խորհրդի պատասխանատվությանը»:
Նա նաև դատապարտել Է ապրիլի 4-ին իրականացված քիմիական գրոհը, նշելով, որ դա «կտրուկ հակազդում Է պահանջում միջազգային հանրակցության կողմից»:
«Մենք ակնկալում ենք, որ ՄԱԿ-ի Անվտանգության խորհուրդն իր պատասխանատվության շրջանակներում իրեն կդրսեւորի համապատասխան ձեւով, եւ թունավոր գազի կիրառմամբ գրոհի մեղավորները պատասխանատվության կենթարկվեն»,-հավելել Է Կուրցը: