Չեչնիայի ղեկավար Ռամզան Կադիրովը տեսանյութ է հրապարակել իր, հումորիստներ Միշա Գալուստյանի և Դմիտրի Գրաչեւի մասնակցությամբ, որում նրանք կատակելով մեկնաբանել են ՆԱՏՕ-ի հայտարարությունը:
«ՆԱՏՕ-ն հայտարարել է, որ իբրև թե ռուս հումորիստներն իրենց անկեղծ կատակներով և փայլուն նմանակումներով վտանգ են ներկայացնում ՆԱՏՕ-ի համար: Ես պաշտոնապես հայտարարում եմ, որ դա սադրանք է, ես սա այսպես չեմ թողնի, կհասնեմ մինչև ամենագլխավոր անձին»,- ասում է Գալուստյանը՝ նմանակելով Կադիրովին:
Այնուհետեւ կադրում հայտնվում է Դմիտրի Գրաչևը՝ նմանակելով Ռուսաստանի նախագահ Վլադիմիր Պուտինին:
«Ոչ մի տեղ պետք չէ գնալ: Ես ևս կարծում եմ, որ դա անհեթեթություն է, և խոստանում, որ անձամբ կհասնեմ մինչև ամենագլխավորին»,- ասում է նա:
Այդ պահին նրանց հետևոըմ հայտնվում է Կադիրովը:
«Պարոնայք հումորիստներ, հանգստացե՛ք: Ես ինքս եմ եկել, այստեղ եմ և ինքս կհասնեմ գլխավորին»,- ասում է նա:
Կադիրովը տեսանյութը հրապարակել է Instagram-ի իր էջում: