Ինքնահռչակ «Հյուսիսային Սիրիայի դաշնային շրջանը» մտադիր է այս տարի ընտրել իրենց խորհրդրանը, այժմ տարվում է նախապատրաստական աշխատանքներ, RIA Novosti-ին հայտնել է Ռուսաստանում շրջանի ներկայացուցիչ Ռոդի Օսմանը:
«Մենք շարունակում ենք դեմոկրատական համակարգի զարգացումը Սիրիայի հյուսիսում, այս տարի Հյուսիսային Սիրիայում կընտրվի խորհրդարան: Սա հաջորդ քայլն է շրջանի հռչակումից հետո»,- հայտնել է Օսմանը RIA Novosti-ին:
Նրա խոսքերով` այժմ նախապատրաստական աշխատանքներ են տարվում. ձևավորվում է ընտրողների ցուցակը, քննարկումներ են տեղի ունենում այն մասին, թե քանի պատգամավոր պետք է լինի խորհրդարանում, պատրաստվում են շրջանների սահմանները:
«Ընտրողների ճշգրիտ ցուցակ դեռևս չկա, նույնիսկ նրանց քանակը դեռևս ճշտված չէ: Հայտնի չէ, թե քանի փախստական է ապրում Հյուսիսային Սիրիայում»,- ասել է Օսմանը: Նախնական գնահատումներով` Հյուսիսային Սիրիայում ապրում է 4-5 միլիոն մարդ և շուրջ 500 հազար փախստական Սիրիայի այլ շրջաններից, ինչպես նաև Իրաքից և թուրքական Քուրդիստանից:
«Բոլոր կուսակցությունները, որոնք կան Հյուսիսային Սիրիայում, այդ թվում՝ ընդդիմադիրները, եթե գրանցվեն, կարող են մասնակցել ընտրություններին»,- վստահեցրել է Օսմանը: