Քաղաքական ուժերի նախընտրական ծրագրերում տնտեսական դրույթները կամ խոստումները կենացային մակարդակի են, ոչ թե տնտեսագիտորեն հիմնավորված: «Առաջին լրատվական»-ի հետ զրույցում այս տեսակետը հայտնեց տնտեսագետ Կառլեն Խաչատրյանը:
«Խոստումներ են տրվում կենսաթոշակները 25 000 դրամով բարձրացնելու և նվազագույն աշխատավարձը 80 000 դրամի հասցնելու մասին. եթե պարզ հաշվարկ անենք, կգանք այն եզրակացության, որ նվազագույն աշխատավարձը 80 000 դրամ դարձնելու պարագայում անհրաժեշտ կլինի հավելյալ մոտ 200 մլրդ դրամ դնել շրջանառության մեջ, իսկ կենսթոշակները 25 000 դրամով բարձրացնելու համար՝ մոտ 170 մլրդ դրամ գումար: Կստացվի, որ միայն այդ դրույթը կյանքի կոչելու համար շրջանառության մեջ պետք է դրվի մոտ 370-400 մլրդ դրամ, ինչը գնաճային ճնշում կառաջացնի:
Եթե աշխատավարձ ենք բարձրացնում, բայց արտադրողականությունը չի աճում, իրացման շուկաները չեն ընդլայնվում, բնական է, որ շրջանառության մեջ գումարների ավելացումը բերելու է գնաճի, և հարց է առաջանում՝ արդյո՞ք դրանով օգուտ ենք տալիս թոշակառուին կամ նվազագույն աշախատանք ստացողին»,- նշեց Կ. Խաչատրյանը:
Տնտեսագետի խոսքով՝ մյուս կարևոր դրույթը ՓՄՁ-ներին հարկերից ազատելու վերաբերյալ է: Նրա կարծիքով՝ այս դրույթները ականջահաճո են, սակայն պայթյունավտանգ:
Մանրամասները՝ տեսանյութում: