Գերմանիայի կանցլեր Անգելա Մերկելը մտադիր Է ներկայացնել իր դիրքորոշումը ԱՄՆ-ի նախագահ Դոնալդ Թրամփի հետ զրույցում: Ինչպես հաղորդում է RIA Novosti-ն, այս մասին հայտնել Է ԳՖՀ-ի կառավարության պաշտոնական ներկայացուցիչ Շտեֆան Զայբերտը:
Մերկելը պլանավորում Է մարտի 13-ին օրվա երկրորդ կեսին մեկնել Վաշինգտոն: Մարտի 14-ի առավոտյան պլանավորված Է նրա հանդիպումը Թրամփի հետ:
«Կանցլերն ուրախ Է, որ հնարավորություն ունի կարծիքներ փոխանակել Միացյալ Նահանգների նախագահի հետ»,-ասել Է Զայբերտը, հավելելով, որ Մերկելը «պարզորոշ կներկայացնի Է իր դիրոքորոշումը, Գերմանիայի կառավարության դիրքորոշումը»:
Կառավարության ներկայացուցչի խոսքով՝ կողմերի քննարկումների կենտրոնում գտնվելու են անդրատլանտյան գործընկերության և միջազգային քաղաքականության թեմաները: Զայբերտը հավելել Է, որ «մեր կարևորագույն և մերձավոր անդրատլանտյան գործընկերների հետ երկխոսությունը… նորմալ Է և անհրաժեշտ»:
Նա հաստատել Է տեղեկատվությունն այն մասին, որ Մերկելի պատվիրակության կազմում կլինեն գերմանական արդյունաբերության երեք ներկայացուցիչներ՝ չհայտնելով նրան անունները: Ավելի վաղ Spiegel-ը հայտնել Էր, որ Siemens և BMW կոնցեռնների ղեկավարները կանցլերին կուղեկցեն Վաշինգտոն այցի ընթացքում: