Կալիֆորնիայի նախկին նահանգապետ (2003-2011 թթ) Առնոլդ Շվարցենեգերը դիտարկում է 2018 թվականին ԱՄՆ սենատի ընտրություններին մասնակցելու հնարավորությունը։ Այս մասին հայտնում է Politico-ն՝ հղում անելով աղբյուրներին։
Պարբերականի տվյալներով՝ քաղաքական աղբյուրները հայտնում են, որ իրադարձությունների նման զարգացման հնարավորությունը հանդիսանում է իրական։
Շվարցենեգերի ներկայացուցիչ Դանիել Քեթչելի խոսքով՝ դերասանը չի բացառում նման հնարավորությունը։ Նրա խոսքով՝ իրենք բաց են պահում բոլոր տարբերակները։
2018 թվականին Կալիֆորնիա նահանգից սենատոր Դայան Ֆայնշտեյնը կդառնա 85 տարեկան։
