Ղազախստանի նախագահ Նուրսուլթան Նազարբաևը հեռախոսազրույց է ունեցել ՌԴ նախագահ Վլադիմիր Պուտինի հետ: Այս մասին հայտնում է TASS-ը՝ հղում անելով Նազարբաևի մամլո ծառայությանը:
«Հենց նոր ավարտված ժնևյան բանակցությունների կոնտեքստում Ռուսաստանի նախագահը հայտնել է այս տարվա մարտի կեսին Աստանայում սիրիական ճգնաժամի կարգավորման հարցով հերթական հանդիպումն անցկացնելու սիրիական ընդդիմության ռազմական ստորաբաժանումների մտադրության մասին: Ղազախստանի նախագահը հայտարարել է այդպիսի բանակցություններ կազմակերպելու պատրաստակամության մասին»,- ասվում է հաղորդագրության մեջ:
Զրույցի ընթացքում Նազարբաևը և Պուտինը քննարկել են նաև երկկողմ համագործակցության առավել արդիական թեմաները Ալմա-Աթայում ղեկավարների վերջին հանդիպման լույսի ներքո: