Արաբական Միացյալ Էմիրությունները բողոքի նոտա է հղել Լատվիային՝ դեսպանի հանդեպ «անհարգալից վերաբերմունքի» համար, հաղորդում է Life-ը:
ԱՄԷ-ի դիվանգիտական առաքելությունը Լատվիայում բացվել է փետրվարի 9-ին, որից հետո գրեթե անմիջապես սկանդալ է ծագել: Լատվիայի ԱԳՆ-ը բողոքի նոտա է ստացել Արաբական Էմիրություններից մուսուլմանների սովորույթները և Լատվիայում ԱՄԷ-ի նոր դեսպանի դիվանագիտական իմունիտետը չհարգելու համար: Բանը կայանում է նրանում, որ Ռիգայի օդանավակայանում դիվանագետից պահանջել են հանել հիջաբը:
Նշվում է, որ դիվանագետը պատրաստ է եղել հանել հիջաբը, բայց միայն առանձին սենյակում և միայն կանանց ներկայությամբ, սակայն նրան նման հնարավորություն չեն ընձեռնել:
Լատվիայի ԱԳՆ ներկայացուցիչ Վիտա Դոբելեն հայտարարել է, որ տեղի ունեցածի հանգամանքները պարզվում են և հավելել, որ Ռիգայի օդանավակայանում բոլոր ստուգումներն իրականացվում են եվրոպական չափանիշներին համապատասխան: