Թուրքիայի նախագահ Ռեջեփ Թայիփ Էրդողանը զանգահարել է ադրբեջանցի իր գործընկերոջը և շնորհավորել Մեհրիբան Ալիևային առաջին փոխնախագահի պաշտոնում նշանակելու կապակցությամբ: Այս մասին տեղեկացնում է Իլհամ Ալիևի մամլո ծառայությունը՝ գրում է ria.ru-ն:
«Նախագահ Իլհամ Ալիևը շնորհակալություն է հայտնել Թուրքիայի նախագահին ուշադրություն ցուցաբերելու համար: Այնուհետև Թուրքիայի նախագահը զրուցել է Մեհրիբան Ալիևայի հետ, շնորհավորել է նրան Ադրբեջանի առաջին փոխնախագահ նշանակվելու կապակցությամբ, հաջողություններ մաղթել նրան աշխատանքում»,- ասվում է հաղորդագրության մեջ:
Հիշեցնենք, որ Ադրբեջանի նախագահ Իլհամ Ալիևը երեքշաբթի հրամանագիր է ստորագրել, ըստ որի հանրապետության առաջին փոխնախագահ է նշանակվում երկրի առաջին տիկին Մեհրիբան Ալիևան: