ՀՀ արտաքին գործերի նախկին նախարար Վարդան Օսկանյանը չի կարծում, թե ապօրինություն է եղել, երբ իր որդին 2005 թվականին, երբ ինքը ՀՀ արտաքին գործերի նախարարն էր, ԱԳՆ-ին պատկանող մեքենայով վրաերթի էր ենթարկել մի երիտասարդի, որը մինչ օրս առողջական խնդիրներ ունի։
«Այնտեղ ապօրինություն չկա, ինձ հասանելիք ծառայողական մեքենան ինչ-որ պահի իմ տղան էր վարում։ Կարող էի ես վարել, բայց այդ պահին իմ տղան էր վարում և այդ դեպքը տեղի է ունեցել։ Մի փոքր դեպք է եղել, մեկի ոտքն էր վնասվել, մենք օգնել ենք, լրիվ ապաքինվել է», – ասաց Վարդան Օսկանյանը։
Դիտարկմանը, թե երիտասարդն առողջական խնդիրներ ունի, Վարդան Օսկանյանն արձագանքեց. «15 տարի է անցել, եթե ունի առողջական խնդիր, թող մոտենա»։