«Մենք՝ ազատամարտիկներս, տարիներ շարունակ ասում էինք, որ մենք ցանկացած պահի պատրաստ ենք հանուն ժողովրդի զոհողության գնալու՝ և անձերով, և՛ դաշինքով, և մենք պարտավոր էինք ճիշտ որոշում կայացնել: Այս մասին «Առաջին լրատվական»- ի հետ զրույցում ասաց «Ազատամարտիկների դաշինք»-ի խորհրդի անդամ Սմբատ Հակոբյանը: Նրա խոսքով՝ «Ազատամարտիկների դաշինք»-ի խորհուրդը վերջին օրերին ինտենսիվ բանակցությունների մեջ էր քաղաքական ուժերի հետ, բացառությամբ ՀՀԿ-ի, այդ թվում նաև «Օհանյան-Րաֆֆի-Օսկանյան» դաշինքի հետ:
Ս. Հակոբյանի խոսքով՝ երեք օր է՝ տեղի է ունենում «Ազատամարտիկների դաշինք»-ի խորհրդի արտահերթ նիստեր, և այսօր միաձայն որոշում է կայացվել միանալ «Օհանյան-Րաֆֆի-Օսկանյան» դաշինքին:
Սմբատ Հակոբյանը մեզ հետ զրույցում նաև նշեց, որ վստահ է՝ այս քայով «իրենց բիծ չի կպնի» և պարզաբանեց, թե ինչու ազատամարտիկները միացան հենց այս դաշինքին՝ ընդգծելով, որ «Ազատամարտիկների դաշինք» ոչ թե աջակցում, այլ միանում է «Օհանյան-Րաֆֆի-Օսկանյան» դաշինքին:
Նա նաև հավելեց, որ «Ազատամարտիկների դաշինք»- ը ռեյտինգային ընտրակարգով կառաջադրի իր թեկնածուներին:
Մանրամասները՝ տեսանյութում: