ՊԵԿ-ը հրապարակել է 20 պարտաճանաչ ընկերությունների անունները, որոնք օրինական դաշտում են աշխատում: Տնտեսագետ Վարդան Հարությունյանը, անդրադառնալով այս նախաձեռնությանը, «Առաջին լրատվական»,-ի հետ զրույցում նշեց, որ Հայաստանում դժվար է լինել պարտաճանաչ հարկատու. «Քանի որ շուկայում, որտեղ գործում եք որպես ազնիվ, պարտաճանաչ հարկատու և նույն շուկայում գործում են իշխանության հովանավորյալներ, չեք կարող լինել սպիտակ դաշտում, որովհետև ուղղակի չեք դիմանա մրցակցությանը»:
Տնտեսագետի դիտարկմամբ՝ պարտաճանաչ հարկատատուներին գովերգելը իհարկե լավ երևույթ է, բայց դա պետք է լինի ՊԵԿ-ի քայլերից մեկը. «ՊԵԿ-ի հիմնական քայլը պետք է լինի ստվերի կրճատումը, ընդ որում՝ ամենախոշոր ստվերի կրճատումը, իսկ ՊԵԿ-ը չի ցանկանում ստվերը կրճատել կամ դա նրան չի հաջողվում. խոսքը շուկայում գերիշխող դիրք ունեցող տնտեսվարողների մասին է, որոնք ունեն մոնոպոլ կարգավիճակ, նրանց հաշվապահությունը, տնտեսական գործունեությունն ընդհանրապես թափանցիկ չեն, ոչ ոք չգիտի թե ինչպես են նրանք փող աշխատում»:
Տնտեսագետի կարծիքով՝ լավ կլիներ, որ ՊԵԿ-ը նախ բռներ խոշոր տնտեսվարողների կոկորդից, հետո նոր գովերգեր պարտաճանաչներին:
Մանրամասները՝ տեսանյութում: