Բալիստիկ հրթիռ փորձարկած Իրանի գործողությունները կարող են անհամատեղելի լինել ՄԱԿ-ի բանաձևի հետ: Այս մասին Twitter-ում գրել է Մեծ Բրիտանիայի ԱԳՆ ղեկավար Բորիս Ջոնսոնը:
Հունվարի 29-ին Իրանը միջին հեռահարության բալիստիկ հրթիռ է փորձարկել: Հաղորդվում է, որ փորձնական արձակումն իրականացվել է Սեմնան քաղաքի արվարձանում՝ Թեհրանից 225 կմ հեռու: Հրթիռը պայթելուց առաջ մոտ 966 կմ է թռել:
«Իրանի կողմից հրթիռի փորձարկման մասին չափազանց անհանգստացնող տեղեկությունները կքննարկվեն այսօր ՄԱԿ-ի անվտանգության Խորհրդի հանդիպմանը: Դա (փորձարկումը) կարող է անհամատեղելի լինել ՄԱԿ-ի բանաձևի հետ»,- գրել է Ջոնսոնը: