Ամերիկյան Associated Press լրատվական գործակալության փոխանցմամբ՝ Airbus Group-ից Իրանի գնած 100 օդանավերից առաջինն այսօր վայրէջք է կատարել Թեհրանի օդանավակայանում։
2016 թվականի դեկտեմբերի վերջին ԶԼՄ-ները հայտնեցին, որ Airbus Group-ը համաձայնագիր է ստորագրել իրանական Iran Air ավիաընկերության հետ, ըստ որի՝ նրան մատակարարելու է 18 միլիարդ դոլար արժողությամբ 100 օդանավ։
Խոսքը Airbus A320 տիպի 46, A330 տիպի 38 և A350 XWB տիպի օդանավերի մասին է, որոնց մատակարարումը մեկնարկում է 2017 թվականի հունվարին։ Իրանական Iran Air ավիաընկերության A321 առաջին օդանավը Թուլուզից ժամանել է Թեհրանի Մեհրաբադ միջազգային օդանավակայանում։
Հունիսին հայտնի էր դարձել, որ Իրանը ամերիկյան Boeing կոնցեռնի հետ պայմանավորվել է 100 մարդատար օդանավ գնելու շուրջ։ Գործարքը գնահատվել է 25 միլիարդ դոլար։