Ferrari ավտոկոնցեռնի ներկայացուցիչները հայտնել են բյուջետային սպորտքար ստեղծելու մտադրության մասին: Ներքին աղբյուրները հրապարակել են առաջին տվյալները նորույթի բնութագրերի մասին, հայտնում է gogetnews.info-ն:
«Բյուջետային» ասելով մշակողները, ըստ ամենայնի, նկատի ունեն 300 000 դոլար գին:
Հենց այդքան արժե Porsche 911-ը, որին Ferrari-ն հավասարեցրել է իր նորույթը: Հայտնի է, որ նոր սպորտային ավտոմեքենան կանվանվի Dino: Մոդելը չափերով California-ից փոքր կլինի:
Կոնցեռնի ներկայացուցիչները շեշտը դրել են այն բանի վրա, որ նորույթը կունենա առանձնահատուկ հարթակ, որը կհամապատասխանի շրջակա միջավայրի պաշտպանության միջազգային չափանիշերին:
Առաջին տարբերակը կունենա 6-մխոցանի բենզինային շարժիչ:
Հաջորդ մոդիֆիկացիաները կարող են հիբրիդային լրակազմ ունենալ համաշխարհային շուկա դուրս գալու համար: Փորձագետների խոսքով՝ նորույթը կարող է վաճառքի հանվել 2 տարի հետո:
