Բրիտանացի լրագրողները Մեծ Բրիտանիայի վարչապետ Թերեզա Մեյին մեղադրել են երկակի չափանիշներ կիրառելու մեջ, իսկ պատճառը կառավարության ղեկավարի թանկարժեք կաշվե տաբատն է, հաղորդում է The Guardian-ը։
Լրագրողների խոսքով՝ վարչապետը խոսում է ժողովրդին մոտ լինելու կարևորություն մասին, բայց, միևնույն ժամանակ, կրում է շատ թանկ հագուստ: Լրագրողների զայրույթը շարժել է այն փաստը, որ Մեյը Sunday Times-ի համար արված ֆոտոշարքում կրել է 1.120 եվրո արժողությամբ կաշվե տաբատ և 410 եվրո արժողությամբ կոշիկներ:
Բացի այդ, վարչապետն իր հարցազրույցում նշել է, որ Սուրբ Ծննդի համար նախընտրում է ավանդական հնդկահավի փոխարեն ավելի թանկարժեք թռչնամիս եփել:
Ի պատասխան Մեյն ասել է, որ հագուստի ու թռչնամսի ընտրությունը դեռևս չի նշանակում, որ ինքը չի հասկանում ժողովրդի խնդիրները: