«Ռոսնեֆտ»-ի բաժնետոմսերի 19,5 տոկոսի ձեռք բերման գործարքը Glencore թրեյդերի և Կատարի սուվերեն հիմնադրամի կողմից անսպասելի էր և ՌԴ նախագահ Վլադիմիր Պուտինի անձնական հաղթանակն է՝ գրում է Financial Times-ը։
Պարբերականը նշում է, որ գործարքը տեղի է ունեցել արևմտյան պատժամիջոցների ֆոնին, որոնք պետք է զսպեին արևմտյան ընկերություններին ռուսական ընկերությունների բաժնետոմսերի գնմանը մասնակցելուց։
«Glencore-ի համար այս գործարքը հնարավորություն է տալիս կրկին հայտարարել իր մասին՝ որպես ռուսական նավթի հիմնական թրեյդերի՝ այն բանից հետո, երբ նախորդ տարի այս դերը ստանձնել էր Trafigura ընկերությունը»,- ասվում է հոդվածում։
Նշենք, որ նախօրեին «Ռոսնեֆտ»-ի ղեկավար Իգոր Սեչինը ՌԴ նախագահ Վլադիմիր Պուտինին զեկուցել է ընկերության սեփականաշնորհման գործարքի ավարտի մասին, որի շնորհիվ երկրի բյուջեն կհամալրվի 10,5 միլիարդ եվրոյով:
